15 نصيحة تاخد بالك منها لما تيجي تختار عروسة
15 نصيحة تاخد بالك منها لما تيجي تختار عروسة

بقي عندنا معايير للجواز و لإختيار شريكة حياتك عالية جدا عن ايام الزمن الجميل. الجواز بقي من اصعب القرارات اللي ممكن تاخدها في حياتك اليومين دول .. بقي عبارة عن عملية عنكابوتبة معقدة محتاجة لدراسة و تحليل و وقت و طلبات كتير قبل ما تقع في المصيدة و يتقفل عليك باب القفص.

بعد المباحاثات و المشاوارات دي كلها .. ياتري عرفت تختار صح ولا وقعت و محدش سما عليك ؟

مش مشكلة اتجوزت صالونات ؛ عن عشرة او معرفة ؛ عن حب عن عمد عن غصب عن اقتدار او عن اي حاجة ... المهم اللي هقوله دلوقتي .... و انت بتختار حط قدامك الكلام ده يمكن يساعدك شوية تختار صح اللي هتكمل معاها بقية حياتك و حاول تفكك شوية من المظاهر ...

matloob-arosaa.JPG


1- متاخدش واحدة تقولك Honey و بيبي و Hubby و الكلام السيس ده... خد واحدة تقولك يا برنس و ممكن وسع ياسطي و تلعب معاك play station.

2- متاخدش واحدة من الجيم للبيت و من البيت للجيم و عاملة دايت قدامك و هي مخبية علبة كشري في شنطتها عشان دي في الغالب هتقلب مرتبة بعد الجواز .. خد واحدة تفتخر عادي انها بتحب الاكل زي عنيها و تاكل بطبيعتها قدامك عشان احنا في بلد احلي حاجة فيها الأكل.

unnamed.jpg

3- متاخدش واحدة عايزة شقة جنب امها .. خد واحدة عايزة تلف معاك العالم.

4- متاخدش واحدة رقيقة و Cute .. خد واحدة طلعت الديناصور السو اللي جواها قدامك عشان متتخضش و يجيلك نوبات صرع بعد كده.

 

1439896892307.jpg


5- متاخدش واحدة داهنة وشها لاكية و مهربة بودرة في وشها .. خد واحدة شفتها في أسواء حالاتها و رابطة شعرها كحكة عشان متتخضش يوم الصباحية و تكتشف انك اتجوزت فرج ابن عمتك.

6- متاخدش واحدة تقولك عايزة فرح يبقي " a night to remember " و يطلع عينك و تبيع هدومك عشان خاطر طنط لولو و شوشو و بقية معارف العيلة ينبسطوا و ياكلوا علي قفاك .. خد واحدة عارفة ازاي تنبسط معاك تحت اي شروط او ضغوط اوإمكانيات.

hqdefault.jpg

7- متاخدش واحدة تقولك انا جالي عريس هتكلم بابا امتي .. خد واحدة مستمتعة بحياتها زي ما هيا و انت فيها و تبني معاك خطوة بخطوة.

8- متاخدش واحدة مزة .. خد واحدة روحها مزة تستحمل تقلباتك المزاجية اللي من غير سبب طول الاسبوع لحد الويك الاند.

hasal.jpg

9- متخدش واحدة كل ماتيجي تتصور معاها تعمل duck face و تاخد الصورة بزاويتها المفضلة عشان تتمنظر بالصورة وسط صحابها .. خد واحدة و انت بتبص علي صوركوا سوا تحس فيها بنظرة الحب و انك مالي عاليها حياتها.

10- متاخدش واحدة تعد تظبط و تأيف في شخصيتك .. خد واحدة تستمتع بجنانك و تعيش معاك اللحظة المجنونة زي ماهيا و تنبسطوا سوا.

 

unnamed-1-.jpg

11- متاخدش واحدة عاملة نفسها مكسوفة و العيبة مش بتطلع من بقها .. خد المنطلقة اللي مش بتفكر قبل ماتكلمك و متتكسفش تقولك اي حاجة زي ما هيا عشان متلبسش و تطلع اريال كان جايب القناه السابعة.

12- متاخدش واحدة تمشي كلامها عليك من منطلق الشخصية القوية و يبقي يمين يمين او شمال شمال و خلاص و تبقي مجرد شنطة شيك مسكاها في ايدها عشان تكمل المنظر .. خد واحدة تطلع العنتيل اللي جواك و تحسسك بشخصيتك كراجل و انت و شطارتك عشان قوة المزة في ضعفها.

4.jpg

13- متاخدش المسروعة علي الجواز بسبب ضغط المجتمع و عشان ترضي ست الحبايب .. خد واحدة معندهاش عقد نفسية تطلعها عليك عشان توقعك في مصيدتها لكن عندها مبدأ ان الجواز بداية مش النهاية (ابقي قابلني لو قابلتها )

14- متاخدش واحدة اهي حاجة طرية في حياتك تسد احتياجك .. خد اللي عاشرتها و حفظتها و شوفت الوحش اللي فيها قبل الحلو .. عشان كله بيبان بعد الغسيل.

53de0ff164314ac29818ff5dc1ff2412.jpg

 15- متاخدش واحدة و خلاص .. خد واحدة تكملك تعرف ترسم معاها حياتك عشان الصورة تطلع حلوة في النهاية.

الجواز شركة مابين اتنين بيعرفوا ازاي يكملوا بعض لحد ما يبقوا حاجة واحدة.

الجواز بداية الحياة مش نهايتها.

Cooty-images-21-.JPG

اختارالواحدة الصح من الاول عشان تخلي حياتك حلوة بجد مش مجرد حياة عايشنها و خلاص – واحدة متحطش راسها براسك و تقع في مصيدة الاعجاب بقوة الشخصية لكن شريكة لحياتك تعرفوا مع بعض كل واحد ليه ايه و عليه اية؛ واحدة تتسند علي رأيها و تسلمها حياتك و انت مطمن في دوامة الحياه الزوجية.

و افتكر .. ان البنات كلها عرايس و عرايس حلوة كمان .. بس مش اي عروسة تنفعك عشان احنا عندنا أزمة مزز .. بس مش في الشكل .. في الروح 

"متدورش علي اللي بتحلم بية .. سيب قلبك يدور علي اللي بيحس بيه"

المصدر : وكالات