السودان / الراكوبة / صورة الرئيس السوداني بالزي العسكري الاماراتي تحصد اعجابات هائلة والبشير يقول: دي ايام الشباب
السودان / الراكوبة / صورة الرئيس السوداني بالزي العسكري الاماراتي تحصد اعجابات هائلة والبشير يقول: دي ايام الشباب
حصدت صورة للرئيس السوداني بالزي العسكري الإماراتي تعود للقرن الماضي إبان فترة إنتدابه في قوة دفاع ابوظبي على إعجاب كثير على صفحات التواصل. وعلق الرئيس السوداني عمر البشير على الصورة أثناء إستضافته على فضائية عربية بحسب مشاهدة محرر موقع النيلين للفيديو المرفق وقال (دي أيام الشباب) بينما قال له المذيع “والله جميل من يومك فخامة الرئيس” .
وأثارت الصورة موجة تعليقات منها: Sharafeldin Elmadadi
يا ريس ما شاء الله اعدت لي ذكرياتي معك عندما كنت معار في ابوظبي وانا كنت اعمل ضابط برتبة ملازم فيى الخدمات الطبيه بمستشفى ٱل نهيان العسكري وتعرفت عليك عن قرب ومن وقتها عرفتك رجل شهم وغيور علي وطنك وتتمتع باستقامه عاليه ورجل عشور وتسلم البطن الجابتك يا البشير.
وأضاف شرف الدين (الناس لازم تعرف ان ولاول مره بعد الاستقلال يكون فيه رئيس دوله زي البشير لما يتمتع به من روح وطنيه وغيور علي وطنه وقبل ان يكون رئيس للسودان ونسأل الله ان يحفظه ويوفقه لمصلحة بلدنا الحبيبه).
وكتب: محمد ادريس عيسي نادر
عمك ياخ والله صحيح عمر البشير فخامه الإسم تكفى وإسمك دا فى محله ((عمر)) ونقول ليك البطن الجابتك والله ما بتندم
يا أسد الكداد الفى فلاك ردم،، ود ناسا عزاز جمع المكارم كوم،، تفخر بيك بنات الباديه والخرطوم الباديه والخرطوم.
وقال: حبيب عمر موسي
الله يديك الصحة والعافية يا سيدي ربنا يحفظك لينا نحن في ولاية غرب دارفور ،الشعب الدارفوري بريدك كتير ياسيدي الله يحفظك السوان بكم في امان،، نحن نفتخر بيك ياسيد يازعيم افريقيا.
ابومدين رحمة
بشة يامعلم حفظك الله بالأمس رأيت المياه تسير بشدة في ترع مشروع الجزيرة ففرحت كثير ،ابعد الفاسدين في هذه المرحلة حتي تنجح.
والجدير بالذكر أن الرئيس السوداني شارك كضابط ومجموعة من القوات المسلحة السودانية في حرب مع إسرائيل في القرن الماضي.

شكرا لمتابعتكم "السودان / الراكوبة / صورة الرئيس السوداني بالزي العسكري الاماراتي تحصد اعجابات هائلة والبشير يقول: دي ايام الشباب" على صحيفة راصد ، نحيطكم علما بان محتوي هذا الخبر تم كتابته او كتابة أجزاء منه بواسطة محرري موقع "سودارس" ولا يعبر اطلاقا عن وجهة نظر صحيفة راصد وانما تم نقله او نقل أجزاء منه ، ويمكنك قراءة الخبر من المصدر الاساسي له من الرابط التالي (سودارس) ، علامة التوثيق بجانب الخبر (إن وجدت) تعنى ان الخبر تم توثيقه عن طريق المصدر ولكن فى حاله وجود شكوى او الشك فى مصداقيه الخبر يمكنك حذف الخبر عن طريق " تبليغ / حذف " الموجودة بالاعلى وسيتم حذف الخبر خلال 24 ساعه ان شاء الله ... مع اطيب التحيات

المصدر : وكالات